Mayın 11-dən 13-dək Qazaxıstanın Almatı şəhərində 26-cı “KİHE-2016” beynəlxalq səhiyyə sərgisi keçiriləcək. Mədəniyyət və Turizm Nazirliyinin və Azərbaycanın Qazaxıstandakı səfirliyinin dəstəyi ilə Azərbaycan Sağlamlıq və Termal Turizmə Dəstək Assosiasiyası beynəlxalq sərgidə iştirak edəcək.
Sərgidə ölkəmizi Sağlamlıq və Termal Turizmə Dəstək Assosiasiyası ilə yanaşı, Naftalandakı "Qaşaltı" sanatoriyası, Naxçıvandakı "Duzdağ" Fizioterapiya Mərkəzi, eləcə də Qəbələnin "Chenot Palace" və “Qafqaz Yengicə Thermal & Spa" mehmanxanaları təmsil edəcək.