Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunun əməkdaşı, filologiya üzrə fəlsəfə doktoru Mahmizər Mehdibəyovanın “Güney Azərbaycan mühacirət nəsri” (1947-1990-cı illər) monoqrafiyası çapdan çıxıb.
   Monoqrafiyada Cənubi Azərbaycanın mühacirət nəsrinin yaranması, təşəkkülü və inkişaf mərhələləri araşdırılır. Kitabda tədqiqata cəlb olunmuş hekayə, povest və romanların ideya-bədii və sənətkarlıq məsələləri barədə mülahizələr irəli sürülür, Cənubi Azərbaycan mühacirət nəsri çağdaş Güney Azərbaycan nəsri kontekstində tədqiq olunaraq qiymətləndirilir.