Lucia İqlesias Kunts,
UNESCO-nun ictimaiyyətlə əlaqələr sektorunun əməkdaşı:

- UNESCO-nun 2003-cü ildə qəbul olunan “Qeyri-maddi mədəni irsin qorunması üzrə Konvensiyası”nın 10 yaşı tamam olur. Bu yubileyimizin Bakıda keçirilməsi bizim üçün böyük bir hədiyyə oldu. Bilirsiniz ki, sessiyada ötən 10 ildə nələrə nail olduğumuzu və bundan sonrakı görüləcək işləri müzakirə edirik. Bu, Azərbaycana ilk gəlişimdir. Bir neçə gün əvvəl gəlməyimə baxmayaraq, hələ ki, şəhərinizlə yaxından tanış ola bilməmişəm. Amma Qız qalasını və İçərişəhəri görmüşəm. Çox maraqlı rəqs konsertinə baxdıq. Bu, həqiqətən də çox gözəl və əyləncəli idi. İnanıram ki, vaxt tapıb Bakıdan kənar yerləri, xüsusən də Qobustanı görə biləcəyəm.