Ölkəmizin Kuba, Niderland və Türkmənistanla mədəniyyət və turizm əlaqələri müzakirə olunub

Fevralın 6-da mədəniyyət və turizm naziri Əbülfəs Qarayev Kuba Respublikasının Azərbaycandakı səfiri Omar Medina Quintero, Niderland Krallığının ölkəmizdəki diplomatik nümayəndəsi Robbert Qabriyelsen və Türkmənistan səfiri Toylı Komekov ilə görüşüb.
Görüşlərdə Azərbaycanın Kuba, Niderland və Türkmənistanla əməkdaşlıq perspektivləri, mədəniyyət və turizm sahəsində mövcud əlaqələrin daha da genişləndirilməsi və yeni layihələrin həyata keçirilməsi barədə müzakirələr aparılıb.
Səfirlər ölkəmizlə əməkdaşlığın uğurla davam etdirildiyini vurğulayıblar, əlaqələrin hazırkı inkişaf səviyyəsindən məmnunluq ifadə olunub.