Mədəniyyət və turizm naziri Əbülfəs Qarayev Portuqaliyanın turizm üzrə dövlət katibi Adolfo Mesquita Nunes ilə görüşüb.
Görüşdə iki ölkə arasında turizm sahəsində əlaqələrin inkişaf etdirilməsi və turizm üzrə yeni layihələrin birlikdə həyata keçirilməsi ilə bağlı müzakirələr aparılıb. Söhbət zamanı həmçinin Bakıda üçüncü dəfə keçirilən Ümumdünya Mədəniyyətlərarası Dialoq Forumunun əhəmiyyəti vurğulanıb və bu tədbirin yeni ideyalar ətrafında fikir mübadiləsi və onların tətbiqi baxımından mühüm əhəmiyyət kəsb etdiyi bildirilib.