Banqladeş Xalq Respublikasının mədəniyyət işləri naziri Asaduzzaman Nur mədəniyyət və turizm naziri Əbülfəs Qarayevlə görüşündə III Ümumdünya Mədəniyyətlərarası Dialoq Forumunun əhəmiyyətindən söhbət açıb, tədbirə dəvətə görə təşəkkürünü bildirib. O, gələcəkdə də belə tədbirlərin təşkilinin vacibliyini vurğulayıb. Görüşdə iki ölkənin mədəni əlaqələri ilə bağlı fikir mübadiləsi aparılıb. Gələcəkdə Banqladeşdə Azərbaycanın əl sənətkarlığı nümunələri və rəsm əsərləri sərgilərinin keçirilməsi təklifləri müzakirə edilib.