Martın 31-də Mədəniyyətşünaslıq üzrə Elmi-Metodik Mərkəzdə “Azərbaycanlıların soyqırımı gününü unutmayaq” adlı anım mərasimi keçirilib.
Mərasimdə qeyd edilib ki, 1918-ci ilin mart soyqırımı, Azərbaycan xalqına qarşı zaman-zaman həyata keçirilmiş kütləvi qırğınlar, deportasiyalar XX əsr tarixinin ən faciəli və dəhşətli səhifələrindəndir. Sovet hakimiyyəti illərində bu tarix yaddaşlardan silinsə də, müstəqillik dövründə, 1998-ci il martın 26-da Prezident Heydər Əliyev bu tarixə siyasi qiymət verən fərman imzalayıb. Həmin gündən 31 mart tarixi Azərbaycanlıların soyqırımı günü kimi qeyd olunur.