Aprelin 8-də Mədəniyyətşünaslıq üzrə Elmi-Metodik Mərkəzdə “Vətənimizə dəstək olaq!” mövzusunda elmi seminar keçirilib. Mərkəzin elmi katibi Hüseyn İbrahimov son günlər cəbhədə baş verən hadisələrdən danışıb, şəhidlərin xatirəsi yad edilib.
İnnovasiyalar və yeni texnologiyaların tətbiqi şöbəsinin baş metodisti Məftun Qulamova “Müasir dövrdə vətənpərvərlik və tolerantlıq”, Mədəniyyət təsisatları üzrə tətbiqi tədqiqatlar şöbəsinin baş metodisti Elnarə Hacıyeva “Gənc və yeniyetmələrin intellektual inkişafında mədəniyyət müəssisələrinin rolu”, Elmi araşdırmalar şöbəsinin metodisti Aynur Həsənova “Dilin ictimai aktuallığı” mövzulu məruzələrlə çıxış ediblər.
Mərkəzin direktoru Asif Usubəliyev multikulturalizmlə, tolerantlıqla, vətəndaşlıqla bağlı fikirlərə münasibət bildirərək Azərbaycan multikulturalizminin ölkə diplomatiyasının brendi olduğunu qeyd edib.