Üzeyir Hacıbəyli adına Azərbaycan Dövlət Simfonik Orkestri bu ilin sonunadək bir sıra beynəlxalq festivallarda iştirak edəcək. Bu barədə jurnalistlərə məlumat verən mədəniyyət və turizm naziri Əbülfəs Qarayev qeyd edib ki, orkestrin İtaliya və Almaniyaya səfəri planlaşdırılır. Bu səfərlərlə yanaşı, orkestrin dahi bəstəkar Üzeyir Hacıbəylinin anadan olmasının 125 illik yubileyi ilə əlaqədar bir sıra konsert proqramları və çıxışları da nəzərdə tutulur. Hazırda orkestr bu tədbirlər üçün yeni proqram hazırlayır.
   Nazir dahi bəstəkar Üzeyir Hacıbəylinin 125 illik yubileyi ilə əlaqədar musiqi festivalının keçiriləcəyini də bildirib.