Naxçıvan Dövlət Filarmoniyasının rəqs kollektivi Türkiyədə beynəlxalq festivalda iştirak edir. Naxçıvan Muxtar Respublikası Mədəniyyət və Turizm Nazirliyindən verilən məlumata görə, kollektiv Türkiyədə hər il keçirilən XVIII “Beynəlxalq Quşburnu Sərgi, Mədəniyyət və Sənət festivalı”na dəvət alıb. İyulun 22-də başlayan festival üç gün davam edəcək. Festivalda Naxçıvan Dövlət Filarmoniyasının rəqs kollektivi tərəfindən milli rəqslərimiz təqdim olunacaq. Qaliblər “Ən yaxşı təqdimat”, “Ən yaxşı geyim”, “Ən yaxşı performans” və digər nominasiyalar üzrə mükafatlandırılacaqlar.