2005-ci ildən Şimali Kiprdəki Yakın Doğu Universitetinin səhnə sənətləri fakültəsində dərs deyən tanınmış Azərbaycan bəstəkarı, Əməkdar incəsənət xadimi, professor Cavanşir Quliyev yeni layihələr üzərində çalışır.
   Bəstəkar xeyli vaxtdır üzərində işlədiyi “Oğuznamə” adlı baletini tamamlayıb. Türklərin tarixindən bəhs edən musiqi əsəri türk prodüserləri tərəfindən sifariş olunub. Hazırda əsərin səhnələşdirilməsi üzərində gərgin iş gedir. Baletin premyerasının Türkiyədə keçiriləcəyi, daha sonra bakılı tamaşaçılara təqdim olunacağı bildirilir. “Oğuznamə” baletindən süita bu ilin qışında İstanbul Universiteti orkestrinin ifasında səslənib.