Azərbaycan Musiqi Mədəniyyəti Dövlət Muzeyinin Klassik Musiqisevərlər Klubunun növbəti tədbiri fevralın 2-də pianoçu, Azərbaycan Respublikasının Əməkdar incəsənət xadimi, Bakı Musiqi Akademiyasının professoru Ülviyyə Hacıbəyovaya həsr olunacaq. Ənənəvi olaraq maestro Niyazinin mənzil-muzeyində keçiriləcək yaradıcılıq gecəsində tanınmış pianoçunun əsərlərindən musiqi parçaları səslənəcək.