“Kapellhaus” Alman-Azərbaycan Mədəniyyət Birliyi 2011-2012-ci il mövsümünün açılışı ilə əlaqədar olaraq silsilə musiqi axşamları keçirəcək. İlk konsert oktyabrın 24-də təşkil olunacaq. Həmin gün kamera musiqilərindən ibarət gecədə gənc musiqiçilər Töhfə Babayeva, Ləman Verdiyeva, Səbinə İbrahimova və başqaları çıxış edəcəklər. Oktyabrın 26-da isə ariya və mahnı axşamında Yuliya Heydərova, Günay Qasımova, İlham Nəzərov çıxış edəcəklər. Tədbirin son günü isə oktyabrın 27-də caz musiqisi axşamı ilə tamamlanacaq. Gənc cazmenlər öz istedadlarını nümayiş etdirəcəklər.