“Azərbaycan Televiziya və Radio Verilişləri” Qapalı Səhmdar Cəmiyyəti dünya teleməkanında ən nüfuzlu mahnı müsabiqəsi sayılan “The Voice of” (“Səs”) layihəsinə start verib.
QSC-nin mətbuat xidmətindən bildirilib ki, Niderlandın “Talpa” İnternational B.V. şirkətinə məxsus “The Voice of” (“Səs”) layihəsinin lisenziyası AzTV-yə verilib. AzTV bu mötəbər musiqi müsabiqəsini payızda - yeni televiziya mövsümündə tamaşaçılara təqdim etməyi planlaşdırır. Qeyd edək ki, bu müsabiqə dünyanın 50-dən çox ölkəsinin telekanallarında yayımlanır.