Oktyabrın 1-də Heydər Əliyev Sarayında Rusiyanın populyar estrada müğənnisi Stas Mixaylov yeni solo konsert proqramı ilə Azərbaycan tamaşaçılarının görüşünə gələcək.
Proqramda müğənninin məşhur hitləri ilə yanaşı, yeni mahnıları da yer alacaq. Bəstələdiyi və ifa etdiyi biri-birindən gözəl mahnılarla Rusiya şou-biznesinin gündəmində qalmağı bacaran sənətkar Azərbaycanda bir sıra konsert proqramı ilə çıxış edib. Stas Mixaylov "İlin artisti" nominasiyasında "İlin şansonu", "Qızıl qrammofon" və "İlin mahnısı" mükafatlarının laureatıdır.