Azərbaycanın Xalq artisti, Dövlət mükafatı laureatı, bəstəkar Aqşin Əlizadənin xatirəsinə həsr olunmuş konsert keçiriləcək.
Azərbaycan Bəstəkarlar İttifaqından bildiriblər ki, noyabrın 27-də təşkilatın konsert salonunda baş tutacaq konsertdə Aqşin Əlizadənin əsərləri ilə yanaşı, bir sıra görkəmli bəstəkarların əsərləri də səsləndiriləcək.
Aqşin Əlizadənin müxtəlif illərdə bəstələdiyi opera, simfoniya, simfonik poema, fortepiano, skripka, violonçel üçün konsertləri, oratoriya və musiqili komediyaları ona böyük şöhrət gətirib. Bəstəkarın yaradıcılığı irihəcmli əsərlərlə yanaşı, populyar mahnı janrının gözəl nümunələri ilə də zəngindir.