2015-ci ilin 25 oktyabr - 3 noyabr tarixlərində Bakıda Mədəniyyət və Turizm Nazirliyi və Azərbaycan Mədəniyyət Fondunun təşkilatçılığı ilə ənənəvi Beynəlxalq Caz Festivalı keçiriləcək.
Bu il festivala ABŞ, Kanada, Fransa, Almaniya, Hollandiya, Rusiya və Ukraynadan məşhur musiqiçilər qatılacaqlar.
Festivalın açılışı 25 oktyabrda Heydər Əliyev Sarayında olacaq. Açılış konsertində Diana Krall (Kanada) çıxış edəcək. Festival günlərində “Four Play” qrupu, Charles Lloyd, Ntjam Rosie, ölkəmizdən Salman Qəmbərov, Cəmil Əmirov, Emil Əfrasiyab, İsfar Sarabski öz qrupları ilə caz həvəskarlarına maraqlı konsert proqramları təqdim edəcəklər.