Yanvarın 31-də Moskvada Vsevolod Meyerhold adına Mərkəzdə Azərbaycan bəstəkarı, Əməkdar incəsənət xadimi, professor Fərəc Qarayevin “İşlərin vəziyyəti” (“Der Stand der Dinge”) əsəri səsləndiriləcək.
Bəstəkarın saytında yer alan məlumata görə, əsər Yeni Musiqi Studiyasının ansamblı tərəfindən ifa olunacaq. Ansamblı dirijor İqor Dronov idarə edəcək.
İnstrumental ansambl üçün yazılmış bu əsər Rusiya bəstəkarı, musiqişünas Viktor Yekimovskiyə ithaf edilib.