Türkiyənin İspaniyadakı səfirliyinin təşəbbüsü ilə Madridin məşhur səhnələrindən olan “Casino de Madrid”də azərbaycanlı pianoçu Nailə Əhmədovanın və Türkiyənin “sehrli fleytası” adlandırılan virtuoz ifaçı Şəfika Kutluerin konserti keçirilib.
İfaçılar dünya klassiklərinin əsərlərindən parçalar səsləndiriblər. Konsert böyük maraqla qarşılanıb.
Qeyd edək ki, soydaşımız Nailə Əhmədova artıq uzun illərdir Türkiyədə yaşayır. O, hazırda Ankara Dövlət Opera və Balet Teatrında fəaliyyət göstərir.