Belqradda fəaliyyət göstərən Azərbaycan Mədəniyyət Mərkəzi, ölkəmizin Serbiyadakı səfirliyinin dəstəyi ilə Xocalı soyqırımına həsr edilmiş video-çarx hazırlayıb. Video-çarxda serbiyalı opera müğənnisi Nataşa Yoviç və Azərbaycan Mədəniyyət Mərkəzinin direktoru, Novi Sad Universiteti İncəsənət Akademiyasının professoru Zərifə Əlizadənin soyqırımı qurbanlarına ithaf olunan ifası yer alıb. Həmçinin Xocalı soyqırımını törədənlər, bu faciə zamanı həlak olanlar barədə məlumat verilir və “Xocalıya ədalət!” kampaniyasının loqosu və saytı nümayiş olunur.