Martın 18-də Nizami Kino Mərkəzində cazsevərlərə daha bir konsert proqramı təqdim olunacaq. “Milli koloritli caz gecəsi” adlı konsert proqramı leykoz xəstəliyindən əziyyət çəkən və hazırda İstanbul "Acıbadem" xəstəxanasında müalicə olunan İbrahim Fərhadlının müalicəsi üçün könüllülər tərəfindən təşkil edilən növbəti xeyriyyə tədbiridir. Xeyriyyə konsertində məşhur caz ifaçıları Nurlan Növrəsli, Arslan Növrəsli (caz qrupu ilə), Fərid və Aygün Əsgərovlar, Təranə Mahmudova, Salman Qəmbərov, Fərid Mayılov, Anar Keytarman (Yusifov), Mircavad Cəfərov, “Cəngi” caz qrupu və Bülbül adına orta ixtisas musiqi məktəbinin şagirdləri iştirak edəcəklər.