Bu gün musiqi sahəsində xüsusi istedadı olan gənclərə dövlət tərəfindən xüsusi diqqət göstərilir. Onlar Azərbaycan Respublikası Prezidentinin xüsusi aylıq təqaüdünə layiq görülürlər, adları Azərbaycanın gənc istedadlarının “Qızıl kitabı”na yazılır.
Prezident təqaüdçüləri olan gənc istedadlı musiqiçilərin respublikada tanınması məqsədilə Mədəniyyət və Turizm Nazirliyi mütəmadi olaraq respublikanın bölgələrində onların konsertlərini təşkil edir.
Gəncə şəhərinin “2016-cı il Avropa gənclər paytaxtı” seçilməsi ilə əlaqədar nazirliyin təşkilatçılığı ilə 30 may tarixində Gəncədə Prezident təqaüdçülərinin konserti keçirilib. Konsertdə yerli və xarici bəstəkarların əsərləri, həmçinin milli musiqimizdən nümunələr səsləndirilib.