"Titanik" gəmisinin bu günlərə qədər gəlib çatmış menyusu online-hərracda satılacaq. Sentyabrın 30-da keçiriləcək hərracda nadir sənədin 70 min dollara alıcı tapacağı güman edilir.
Menyu ilə birgə sərnişinlərin biri tərəfindən yazılmış məktub, həmçinin laynerdə təklif olunan türk hamamına bilet də hərraca çıxarılacaq.
Xatırladaq ki, dəbdəbəli səyahət gəmisi 1912-ci il aprelin 15-də Sautqemptondan Nyu-Yorka ilk səyahəti zamanı Atlantik okeanında aysberqlə toqquşaraq batmış, gəmidə olan 2200-ə yaxın insandan təxminən 1496 nəfər həlak olmuşdu.