Avqustun sonlarından etibarən Uşaq Teatrı məzuniyyəti başa vurub. Bu barədə Uşaq Teatrının direktoru İntiqam Soltan məlumat verib. Onun sözlərinə görə, teatr artıq iş başındadır. Hazırda teatrda məşq prosesi gedir. Yeni mövsümün əvvəllərində bir əsər -«İmperator» tamaşaçılara təqdim ediləcək. Bu tamaşanın quruluşçu rejissoru Vidadi Əliyevdir.
   Direktor onu da bildirib ki, yeni mövsümdə səhnələşdiriləcək əsərlərlə yanaşı, teatrın repertuarında olan bir neçə tamaşa da yenidən bərpa olunacaq. Qeyd edək ki, hazırda bərpa olunacaq tamaşaların da məşqi gedir.