Dünyanın bir çox ölkələrində keçirilən Bekket teatr festivalında absurd dramaturgiyasının görkəmli nümayəndəsi, irland yazıçısı Semuel Barkli Bekketin əsərləri əsasında hazırlanmış tamaşalar nümayiş olunur. Bu il ilk dəfə olaraq bu festivala Finlandiyada yaşayan azərbaycanlı rejissor Kamran Şahmərdan öz tamaşası ilə qatılacaq. Festival üçün Lappenrant Şəhər Teatrı və Kamran Şahmərdanın rəhbərlik etdiyi «Ağ-Qara» teatrı iki tamaşa hazırlayıb. Semuel Bekketin «Addımların səsi» və «Kreppin sonuncu lenti» adlı tamaşalar Helsinkidən savayı, Almaniyada, İngiltərədə, Fransada, İsveç və s. ölkələrdə nümayiş etdiriləcək.