Milli Dram Teatrı ilə Polşa teatrları arasında əməkdaşlıq münasibətləri qurulur. Avropa teatrları ilə Milli Dram Teatrı arasında qarşılıqlı münasibətlərin və yaradıcı əməkdaşlığın qurulması məqsədinə xidmət edən yeni layihənin birinci mərhələsi çərçivəsində aprelin 3-də Akademik Milli Dram Teatrının direktoru İsrafil İsrafilov, Teatr Xadimləri İttifaqının sədri Azər Paşa Nemət və başqalarının yer aldığı nümayəndə heyətinin Polşaya yaradıcılıq səfəri başlayıb. Aprelin 11-dək davam edəcək səfər çərçivəsində teatrın nümayəndə heyətinin Polşanın Varşava və Krakov şəhərlərinin teatr həyatı ilə tanış olması, teatrların rəhbərləri ilə görüşlər, qarşılıqlı əməkdaşlıq məsələlərinin müzakirəsi nəzərdə tutulub. 

  Gülər