Dövlət Musiqili Komediya Teatrının nəzdində fəaliyyət göstərən Yaradıcılıq Studiyası yeni tamaşasını 1 iyun - Uşaqları Beynəlxalq Müdafiə Günündə təqdim edəcək. Studiyanın üzvləri ilk dəfə olaraq Aleksey Tolstoy və Aleksey Rıbnikovun məşhur “Buratino” əsəri əsasında hazırlanan tamaşanı Azərbaycan dilində nümayiş etdirəcəklər. Əsəri dilimizə Nicat Kazımov çevirib.
   Xəzər Dəniz Gəmiçiliyinin Mədəniyyət evində nümayiş olunacaq tamaşanın quruluşçu rejissorları Mehman Cəfərov və Elməddin Dadaşovdur. İlk tamaşaya şəhərdəki uşaq evlərində tərbiyə alan balacaların da dəvət edilməsi nəzərdə tutulur.