Fransanın Azərbaycandakı səfirliyinin nəzdində fəaliyyət göstərən Fransa İnstitutu və Azərbaycan Dövlət Yuğ Teatrı arasındakı əməkdaşlıq çərçivəsində fransalı mütəxəssis xanım Veronik Danyel Dövlət Yuğ Teatrının gənc aktyorları üçün ustad dərsi keçib. Qeyd edək ki, dünyanın 30-dan çox ölkəsində ustad dərsləri vermiş Veronik Danyelin teatr kurslarının əsası 1993-cü ildə qoyulub.
   Fransalı mütəxəssisin növbəti ustad dərsləri iyunun 2-də Azərbaycan Dövlət Pantomim Teatrının kollektivi üçün təşkil olunub. Ustad dərslərinin əsas məqsədi fikri cəmləşdirmək bacarığını inkişaf etdirmək, emosiyaları idarə etmək, təxəyyülün daha da inkişafına nail olmaq, yaradıcılıq potensialını üzə çıxarmaq, hafizəni gücləndirmək, bədii və ifaçılıq mədəniyyətini zənginləşdirməkdir.