Qazax Dövlət Dram Teatrında Oktay Altunbayın “Gecə yarıdan keçəndə” əsəri üzərində iş gedir. Teatrın direktoru Saqif İskəndərovun sözlərinə görə, bu, cari ilin sonuncu tamaşasıdır: “Bu il teatrda dörd tamaşanın səhnələşdirilməsi nəzərdə tutulmuşdu. Onlardan üçü - M.F.Axundzadənin “Hekayəti-xırs-quldurbasan”, S.S.Axundovun “Tamahkar” və B.Vahabzadənin “Yağışdan sonra” əsərləri tamaşaçılara təqdim edilib. “Gecə yarıdan keçəndə” tamaşası “Məlikməmməd” xalq nağılının motivləri əsasında hazırlanır”.