Xəbər verdiyimiz kimi, noyabrın 27-dən Azərbaycan Dövlət Gənc Tamaşaçılar Teatrında Gənclər və İdman, Mədəniyyət və Turizm nazirliklərinin, Azərbaycan-Amerika Alyansının dəstəyi ilə II Ümumrespublika teatr festivalının final mərhələsi keçirilir. Layihənin ideya müəllifi millət vəkili Jalə Əliyeva, icraçı direktoru Ramil Ağasıyevdir.
   Noyabrın 28-də festivalın final mərhələsi çərçivəsində daha 4 səhnə əsəri - Şəbnəm Xeyrullanın “Tut”, Gülnarə Məmmədovanın “Yaşıl qan”, Elnur Mehdiyevin “Ekosid” və Səfayə Əliyevanın “Qoy nəfəs alım” tamaşaları təqdim edilib.
   Tamaşalar maraqla qarşılanıb. Noyabrın 29-da daha 5 tamaşa nümayiş olunub. Festival dekabrın 1-də yekunlaşacaq.