“Azərbaycan teatrı 2009-2019-cu illərdə Dövlət Proqramı”na uyğun olaraq ölkə teatrlarında çalışan kadrların da ixtisaslarının təkmilləşdirilməsi prosesi davam etməkdədir. Bu məqsədlə yanvarın 26-da Azərbaycan Dövlət Gənc Tamaşaçılar və Dövlət Rus Dram teatrlarının işıq və səs mütəxəssisləri Beynəlxalq Teatr İnstitutu tərəfindən keçiriləcək təlimlərdə iştirak etmək üçün Birləşmiş Ərəb Əmirliklərinin Əl-Füceyra şəhərinə ezam olunublar. Gənc Tamaşaçılar Teatrından bildiriblər ki, təlimlər yanvarın 31-dək davam edəcək.