Kinorejissor İlqar Safat Dövlət Rus Dram Teatrında məşhur ingilis yazıçısı Ceyn Ostinin «Qürur və qərəz» romanı əsasında tamaşa hazırlayır. Aprel ayında təqdim olunacaq tamaşanın quruluşçu rəssamı Nikita Sazonov, musiqi tərtibatçısı İlqar Safat, xoreoqrafiya ustası Marina Dubovitskayadır. Səhnə əsərində əməkdar artistlər Ömür Nağıyev, Natalya Baliyeva, artistlər İnna İmranova, Olqa Arsentyeva, Mariya Dubovitskaya, Fatma Əliyeva, Olesya Qasımova, Yeganə Hüseynli, Oleq Əmirbəyov, Yuri Omelçenko, Ramil Əliyev, Yaroslav Trifonov və başqaları iştirak edirlər.
   Qeyd edək ki, C.Ostinin 1813-cü ildə yazdığı «Qürur və qərəz» romanı bir neçə dəfə ekranlaşdırılıb.

    Aliyə