Martın 10-da Azərbaycan Dövlət Gənc Tamaşaçılar Teatrında “Dörd əkizin nağılı” tamaşasının premyerası olacaq. Bolqar yazıçısı Panço Pançevin eyniadlı əsəri əsasında hazırlanmış tamaşanın quruluşçu rejissoru Ağalar İdrisoğlu, rəssamı Elşən Sərxanlıdır. Səhnə əsərində əsas obrazları əməkdar artistlər Naibə Allahverdiyeva, Nübar Novruzova, Qəmər Məmmədova, aktyorlar Günel Məmmədova, Elnur Hüseynov, Kərəm Hadızadə, Vüsal Mehrəliyev və başqaları canlandıracaqlar.