Abdulla Şaiq adına Azərbaycan Dövlət Kukla Teatrı aprelin 23-25-də Türkiyədə (Əskişəhər) keçiriləcək beynəlxalq festivalda iştirak edəcək. Festival Əskişəhərin 2013-cü ildə “Türk dünyası mədəniyyət paytaxtı” elan olunması münasibətilə keçirilir. Kollektiv sənət bayramında Rəhman Əlizadənin “Sehrli mücrü” tamaşasını nümayiş etdirəcək. UNESCO-nun təşkilatçılığı ilə keçiriləcək festivalda Türkiyə və Azərbaycanla yanaşı, Qazaxıstan, Özbəkistan, Tatarıstan, Çin, İndoneziya, Misir və Yunanıstandan olan teatr nümayəndələrinin də iştirakı gözlənilir.