Mingəçevir Dövlət Dram Teatrında yazıçı Arif Mədətovun “Aylı gecə” əsəri əsasında eyniadlı tamaşanın məşqləri gedir. Teatrın nəzdində fəaliyyət göstərən “İnam” studiyasının rəhbəri, ömrünün 46 ilini teatr sahəsinə həsr edən Xalq artisti Zülfüqar Abbasovun quruluş verdiyi səhnə əsərinin bu ayın sonlarında təhvil verilməsi nəzərdə tutulub.
Bundan başqa, ərəb xalq nağıllarının motivləri əsasında hazırlanmış “1001 gecə”, İlyas Əfəndiyevin “Məhv olmuş gündəliklər”, Əli Əmirlinin “Mən səni sevirəm” tamaşaları yenidən teatrsevərlərin ixtiyarına veriləcək.