Türkiyədə ilk dəfə olaraq teatr səhnəsində 3D texnologiyasından istifadə olunub. Yolçu Teatrının “Qapılar ardında” tamaşası rəqəmsal 3D mapping texnologiyası əsasında qurulub. Animasiyalarla gerçək oyunçuların interaktiv qarşılıqlı münasibətdə olduğu tamaşada rəqəmsal texnologiya fon, illüstrativ vasitə kimi yox, tamaşanın bir parçası kimi təqdim olunur və bu təcrübə tamaşaçılara bu günə qədər yaşamadıqları fərqli, əsrarəngiz zövq verir.
Müharibənin törətdiyi fəlakətlərdən bəhs edən “Qapılar ardında” tamaşasında ruhsal və fiziki yaralar alan və yurduna geri qayıdan, qayıtdıqdan sonra isə heç nəyin əvvəlki kimi olmadığını görən bir əsgərin həyatından, duyğu və həyəcanlarından bəhs edilir.