Dövlət Musiqili Teatrının kollektivi tanınmış aktrisa, Əməkdar artist Xanım Qafarovanı ziyarət ediblər. Teatrın mətbuat xidmətindən bildiriblər ki, xeyli müddətdir ağır xəstəliklə mübarizə aparan aktrisanı doğum günü münasibətilə (9 may) təbrik edən həmkarları ona möhkəm cansağlığı arzulayıblar. “Teatrın kollektivi sağ olsun, məni heç vaxt unutmamışdır. Sənət dostlarım hər çətin anımda yanımda olmuşlar. Builki doğum günü təbriki mənə xoş bir sürpriz oldu”, - deyən aktrisa həmkarları ilə növbəti görüşünün səhnədə olması arzusunu dilə gətirib.