Azərbaycan Dövlət Musiqili Teatrı bölgələrə qastrol səfərinə çıxıb. Teatrın mətbuat xidmətindən bildiriblər ki, kollektiv Süleyman Ələsgərov və İsi Məlikzadənin “Hərənin öz ulduzu” tamaşası ilə mayın 21-də Masallı, 22-də isə Biləsuvar şəhərlərində çıxış edəcək. Tamaşada əsas rollarda Xalq artisi Fatma Mahmudova, Əməkdar artist Novruz Əliyev, aktyorlardan Gülcahan Salamova, Möylə Mirzəyev, Elçin İmanov, Elxan İsmayılov, Rəsmiyyə Nurməmmədova və Nigar Qarayeva oynayırlar.