Azərbaycan Dövlət Gənc Tamaşaçılar Teatrında 31 mart - Azərbaycanlıların soyqırımı gününə həsr olunmuş tədbir keçiriləcək.
Tədbirdə 1918-ci ilin mart qırğınlarından, tariximizin bu qanlı səhifəsindən söz açılacaq.
Sonra gənc yazar Sevinc Elsevərin “Ürəyində arzu tut” pyesi əsasında hazırlanmış “Arzu və Murad” tamaşası nümayiş olunacaq.
Səhnə əsərinin quruluşçu rejissoru Gülnar Hacıyeva, bədii rəhbəri, teatrın baş rejissoru, Əməkdar incəsənət xadimi Bəhram Osmanovdur. Rolları Əməkdar artist Gülər Nəbiyeva, aktyorlar Roza İbadova, Səbinə Məmmədova, Nuriyyə Əliyeva, Kərəm Hadızadə, Elşən Şıxəliyev və başqaları ifa edəcəklər.