Aprelin 14-də Beynəlxalq Muğam Mərkəzində “Səssizliyin sözləri” mim tamaşası səhnələşdiriləcək. Səhnə əsəri fransız komediya və mim aktyoru Loran Dökolun ifasında təqdim olunacaq. Tamaşa Fransız İnstitutu və Fransa səfirliyinin dəstəyi ilə “Frankofoniya və fransız dili həftəsi” çərçivəsində nümayiş olunacaq.
Loran Dökol məşhur mim ustaları Marsel Marso və Etyen Dekrunun ən yaxşı tələbələrindən sayılır. “Səssizliyin sözləri” tamaşası Fransa, Koreya Respublikası, Rusiya, Hindistan və bir sıra Afrika ölkələrində səhnələşdirilib.