Azərbaycan Dövlət Gənc Tamaşaçılar Teatrında Kalmık Milli Dram Teatrı (Rusiya Federasiyası) ilə əməkdaşlıq əsasında daha bir layihə reallaşacaq. Teatrda B.Basanqovun “Qohumlar” əsəri əsasında müzikl janrında tamaşa hazırlanacaq. Əsəri səhnə üçün V.Şuqrayeva və Ə.Əmirli işləyib.
İki teatrın aktyorlarının çıxış edəcəyi tamaşanın Bakı premyerası iyun ayına planlaşdırılır. Səhnə əsəri həmçinin noyabr ayında Kalmık Milli Dram Teatrının Kalmık teatrının 80 illik yubileyi çərçivəsində Elista şəhərində nümayiş olunacaq.