Sentyabrın 9-da Rusiyanın Azərbaycandakı səfirliyinin təşkilatçılığı ilə Bakıdakı Rusiya İnformasiya-Mədəniyyət Mərkəzində “Moskva şəhəri günü”nə həsr olunmuş fotosərgisi açılacaq. “Moskva bakılının gözü ilə” adlı sərginin ekspozisiyasında azərbaycanlı jurnalist-yazıçı Şirməmməd Nəzərlinin 50 fotoşəkli nümayiş etdiriləcək. Sərginin açılış mərasimində Rusiyanın Azərbaycandakı səfiri Vladimir Doroxin və ictimai təşkilatların nümayəndələri iştirak edəcəklər.