İyunun 21-də Heydər Əliyev Mərkəzində XX əsrin məşhur rəssamı Endi Vorholun (1928-1987) əsərlərindən ibarət “Həyat, ölüm və gözəllik” mövzusunda sərgi açılıb. Sərgi Heydər Əliyev Fondunun və Endi Vorhol Muzeyinin birgə dəstəyi ilə gerçəkləşib. Modern incəsənətin məşhur nümayəndələrindən olan Endi Vorholun Azərbaycanda ilk dəfə keçirilən sərgisində rəssamın 100-dək əsəri və qısa filmləri yer alıb. Ekspozisiyada rəssamın portretlər, avtoportretlər silsiləsindən rəsmləri, eləcə də “Güllər”, “Kamuflyaj”, “Dua edən kişi əlləri”, “Elektrik stulu” və digər məşhur əsərləri nümayiş olunur.