Oktyabrın 4-də Azərbaycandakı Fransız İnstitutunda rəssam Çingiz Əzizovun akvarel sərgisi açılacaq. Çingiz Əzizov istedadlı akvarelist kimi sovet dövründən tanınmağa başlayıb. Əsərləri Moskvada Dövlət Tretyakov qalereyasında nümayiş olunur.
   Rəssam kəndbəkənd gəzib əsərlər yaradaraq və səyyar sərgilər təşkil edərək on il yaşadığı Qafqaz dağlarından sonra yenidən Bakıya qayıdıb. Bu sərgi onun paytaxta gəlişini qeyd etmək üçün bir fürsətdir.
   Oktyabrın 10-da isə Fransız İnstitutunda “Çingiz Əzizovun rəsm əsərləri ətrafında” mövzusunda gecə təşkil ediləcək.