- 10-01-2014
- 452
Martın 1-2-də Heydər Əliyev Sarayında “Celtic Legends” İrlandiya rəqs ansamblının konserti keçiriləcək. Bu şou bütün dünyanı fəth edib. Milli alətlərin müşayiəti ilə irland rəqsinin, akrobatik çıxışların, canlı musiqinin, əsrarəngiz mahnıların sintezi olan “Celtic Legends” şousu böyük maqnetizm qüvvəsinə malik layihədir.“Celtic Legends” şousunun nəğmələri və rəqsləri insanın təbiətlə, qədim dövrlərdən qalan qorxu, sevinc hissi ilə, odla münasibətlərindən bəhs edir. Ağacın, odun və suyun insana necə doğma olduğu, ətraf mühitin insana verdiyi güc haqda danışılır.
