İyunun 25-də Bakıda növbəti "Baku Fashion Night 2016" layihəsi keçiriləcək. "Excelsior" hotelinin dəstəyi ilə keçirilən tədbirin əsas təşkilatçısı “FMS Models” model agentliyin rəhbəri Lyubov Gutorovadır.
"Baku Fashion Night 2016" moda gecəsinin qonaqlarını maraqlı və rəngarəng proqram gözləyir. Tədbirdə rəssam-keramikaçı Vüsalə Ağaraziyevanın və gənc dizaynerlərin aksessuarlarının, bijuteriyalarının və zinət əşyalarının sərgisi nümayiş olunacaq.
Gecənin əsas proqramı modelyer-dizaynerlərin "Yay 2016" kolleksiyalarının nümayişi olacaq.