Bakı Şəhər Mədəniyyət və Turizm İdarəsinin təşkilatçılığı ilə “Retro Bakı” layihəsinin konsertləri davam edir.
İdarədən bildirilib ki, paytaxt sakinləri və şəhərimizin qonaqları həftəsonu keçirilən konsertləri, musiqi və rəqs nömrələrini maraqla izləyirlər.
Ötən həftəsonu tanınmış cazmen, Əməkdar incəsənət xadimi Cavan Zeynallının ifasını, müğənnilər Nəzakət Məmmədova, Tural Mehri, Nigar Süleymanova, Mehman Tağıyev və “Odlar Yurdu” qrupunun çıxışları böyük coşqu ilə qarşılanıb.
Xatırladaq ki, layihə çərçivəsində tədbirlər hər həftənin şənbə və bazar günləri axşam saatlarında Fəvvarələr meydanında rəngarəng konsert proqramları ilə oktyabrın ortalarınadək davam edəcək.