Noyabrın 22-də Beynəlxalq Muğam Mərkəzində “Muğamat var olan yerdə” layihəsi çərçivəsində növbəti konsert proqramı təqdim edilib.
   Konsert “Mədəniyyət” kanalı və Beynəlxalq Muğam Mərkəzinin birgə təşkilatçılığı ilə reallaşıb.
   Gecədə üçüncü “Muğam televiziya müsabiqəsi”nin qalibi Səbinə Ərəblinin ifasında xalq və bəstəkar mahnıları, habelə muğam və təsniflər dinlənilib. Konsertdə səslənən “Şur” təsnifi, “Kəsmə şikəstə”, “Qəlbimin səsi”, “Dünya”, “Səni sevən baxışlar” və digər mahnılar tamaşaçılarda xoş ovqat yaradıb.
   Konsertdə ifaçını Ələkbər Ələkbərovun bədii rəhbərliyi ilə “Uğur” ansamblı müşayiət edib.