Mədəniyyət Nazirliyi, Azərbaycan Rəssamlar İttifaqı və Şamaxı Rayon İcra Hakimiyyətinin dəstəyi, İsmayıllı Regional Mədəniyyət İdarəsi, Azərbaycan Dövlət Rəsm Qalereyası və Xətai  Sənət Mərkəzinin təşkilatçılığı ilə “Nəsimi ili” çərçivəsində keçirilən “Mənim Şamaxım” adlı rəsm müsabiqəsi davam edir.

Müsabiqəyə Şamaxı rayonunun sakinləri olan uşaq, yeniyetmə və 29 yaşına qədər gənclər qatıla bilər.

İştirak etmək istəyənlər ən çox 3 əsərinin fotosunu aprel ayının 6-dək Xətai Sənət Mərkəzinin Whatsapp nömrəsinə (+99451 3107401) göndərə bilərlər.

Müsabiqə iki turdan ibarət olacaq. I turdan keçmiş əsərlər əvvəlcə Şamaxı Mədəniyyət Mərkəzində, sonra isə Bakıda Xətai Sənət Mərkəzində keçiriləcək sərgilərdə nümayiş olunacaq.

Sərgidə nümayiş üçün seçilən işlərin müəllifləri diplomla və fəal tədris mərkəzləri (dərnək, incəsənət məktəbi və s.) təşəkkürnamə ilə təltif olunacaq və seçilmiş 20  əsərin müəllifi “Azərbaycanım” Uşaq rəsm festivalına dəvət olunacaq.

Müsabiqədə iştirak etmək istəyənlərə tövsiyə olunan mövzular:

• Böyük Azərbaycan şairi İmadəddin Nəsiminin obrazının müxtəlif kompozisiyalarda təsviri;
• Şamaxıya  məxsus  sənət  nümunələri  (xalçaçılıq,  dulusçuluq, misgərlik);
• Şamaxının tarixi  abidələri, yerli mətbəx nümunələri;
• Qədim əşya və ya bölgə üçün  xarakterik  olan  qədim  geyimlərin təsviri;
• Şamaxı rayonu  üçün  xarakterik  musiqi və  müxtəlif  sənət alətinin  təsviri;
• Şamaxılı dahi  şəxsiyyətlərin obrazlarının təsviri;
• Hərbi-vətənpərvərlik mövzusu;
• Yaşayış bölgəsinin, məhəllənin, küçənin, həyətin və təbiətin təsviri;
• Müxtəlif peşə  sahiblərinin obrazlarının təsviri.