Bakı Şəhər Mədəniyyət Baş İdarəsinin təşkilatçılığı ilə gerçəkləşən “Sehrli Bakı” layihəsi çərçivəsində Fəvvarələr meydanında ötən həftəsonu iki gün ərzində növbəti konsertlər təşkil edilib.

Konsertlərdə rəqqasə Səbinə İsmayılova “Ərəb”, “Qaraçı” rəqsləri ilə tamaşaçıların zövqünü oxşayıb.

Ayaz Babayev, Aygül Bayramova, Tural Məmmədov, Gülnar Dadaşova, Xəyal Hüseyn və başqa müğənnilərin, “Stop” qrupunun ifa etdiyi mahnılar alqışlarla qarşılanıb.

Tamaşaçıların həftəsonu istirahətini mənalı təşkil etmək, onların musiqi zövqünü peşəkar musiqi ilə zənginləşdirmək məqsədi daşıyan “Sehrli Bakı” layihəsi çərçivəsində konsertlər hər həftəsonu sentyabrın 30-dək davam edəcək.